🎧阿政先講臺灣｜食米毋知米價🍚

食飯坩中央：毋捌世事。吃米飯不曉得米的價錢。形容只知享受，不知生活疾苦的人。17世紀初ê文獻《東番記》中曾經記載臺灣：「無水田，治畬種禾，山花開則耕，禾熟，拔其穗，粒米比中華稍長，且甘香。採苦草，雜米釀，間有佳者，豪飲能一斗。」〔種作、飲酒〕東番人(台灣人)袂曉水田ê種作方式，是先採用放火燒園，閣來才用簡單ê方式種稻仔，當山花(菅芒花)開ê時才開始種作，等稻仔飽穗了後(夠水)，才開始收成《稻穗》。東番人所種出來ê米比中國所生產--ê有較長小可，東番米鼻起來芳芳，閣有甘甜氣。東番人有時嘛挽野外ê青草，摻米做伙用來『激酒』。有當時仔，嘛會激出有芳氣ê燒酒，興啉ê時，酒會當啉規甕(斗)--ê。（畬sia，先放火燒園，才種作ê方式。）台灣在地稻米：園仔米、埔仔米（旱稻、陸稻）漢人移民稻米：尖仔米(秈稻)、秫米(糯稻)（水稻）日治時代：在來米(舂稻)、蓬萊米（粳稻）「畬sia」就是山園（旱田）ê耕作方式，「禾」是收成ê稻仔，叫陸稻／旱稻。後來，隨著漢人大量移民遷徙到臺灣，也引進當時中國ê品種，所致原本ê「園稻」就予中國稻──秫米tsu̍t-bí（糯米）佮占仔米tsiam-á-bí（秈米 ㄒㄧㄢ／在來米）所取代。19世紀末年，日本佔領台灣初期，總督府對臺灣稻米種類捌作全面性ê調查：臺灣稻米種類有403種，其中園稻24種（華語：陸稻）。水稻品種當中，占/尖仔米290種（華語：秈稻）、秫米89種（華語：糯稻），表示臺灣稻米ê品種大多數是占/尖仔米（秈米）。尖/占仔米對斯當時ê臺灣人是日常ê滋味，但是佇台灣ê日本人煞食袂慣勢。日本人日常食--ê壽司、飯丸，所使用ê米種是「粳米keⁿ-bíㄍㄥ」煮起來較軟。（台灣蓬萊米屬粳米一種，是日據時代由台灣本土ê尖仔米（秈米），改良後稱在來米。和日本水稻混種改良ê米種）俗語：粳米縛粽難做堆，性情無合油攪水。〔補充〕在來米：臺灣稻米類型之一。屬於秈稻型的稻米。臺灣早期由中國大陸引入秈稻品種，日治時代由日本人引進粳稻品種。為了區別起見，改良後的秈稻品種稱作「在來米」；改良後的粳稻品種則稱作「蓬萊米」(hông-lâi-bí)。蓬萊米：粳米，圓短、透明，為一般食用米。由日本引進種米，在臺灣栽培育成。因為要與臺灣生產的在來米和日本原產的米有所區別，因此命名為「蓬萊米」。多用來煮乾飯。🎙️阿政先講臺灣主持人：董峯政🎙️台灣閩南語我嘛會主持人：鄭安住#一周五分鐘，臺語你嘛通！#每周六阿政先講臺灣#每周日台灣閩南語我嘛會#喜歡閩南語的朋友，請多多幫我們五星評分鼓勵喔！☆若您對本頻道節目有任何疑問或建議，請e-mail 至：service@ner.gov.tw-----Apple｜Spotify｜Google｜KKBOX｜Firstory｜SoundOn搜尋訂閱：做伙學台語-----🎙教育電臺🎙📻官網:https://bit.ly/39ISswV🔗粉絲團:https://bit.ly/nerpodcastlink🛜Youtube頻道:http://bit.ly/3TOGfx4 Powered by Firstory Hosting